Nerón

Arde Roma co mellor equipo do mundo.

¡¡ÁRDELLE O EIXE!!

Concurso-Sorteo Fin de Semana en Galicia

Que non decaia!. Para que non se vos olvide, ainda se pode pedir número para o concurso dunha fin de semana nunha casa rural galega, promovido por un blogalego en Catalunya: "Sempre en Galicia". O seu autor é Xulio, un locutor de Radio Cornellá que fai nese país un programa de radio integramente en galego. E neste sitio web conta todos eses programas, para quen non podemos escoitar esa emisora, por causa da distancia.

Eu xa teño número, pois díxome desta iniciativa o blogueiro, armadanzas onde os haxa, Chousa da Alcandra. E teño un número ben chulo para que o dia 14 de xuño saia agraciado nalgunha das casas participantes: 0 25 (o cuarto dun cento).

Todos os que queirades participar somentes tedes que enviar un correo a semprengalicia@gmail.com solicitando número, según as bases indicadas no blogue de Xulio. Así que, si ainda non o fixestes, anímovos a conquerir número, xa que os premios son moitos e bos:

• Casa 1-Xanela da Lua: Pequena e acolledora casa rural, con suxerente e acertado nome, situada na mesma costa da Morte, en Lira (Carnota). Ao pé maior horreo de Galicia, con rivalidade coñecida co horreo de Carnota, moi próximo. Ao pé da praia de maior extensión de Galicia. Casiña de seis habitacións e que conta con vistas cara o mar bravo e grandioso da costa da morte.


• Casa 2-Santa Maria da Ponte: En Viana do Bolo (Ourense), e nun entorno cunha fermosa paisaxe, á beira dun castiñeiro centenario, unha das arbores mais emblemáticas de Galicia, atopase este hotel spa. A estancia combina descanso e aventura, pois se inclúen no prezo da mesma rutas en bici e de sendeirismo.


• Casa 3-Hotel Vila de Viana: Situado praza maior da vila de Viana do Bolo (Ourense). Aparte dos servicios propios dunha casa de turismo teñen unha xoiería que pretende recuperar a tradición familiar, posto que os antepasados dos propietarios rexentaban outra na mesma vila.


• Casa 4-Hotel restaurante A Nosa Casa: O nome poderianos indicar que estemos en calquera vila de Galicia, posto que é un nome moi empregado para este tipo de negocios na nosa terra. Neste caso estamos, de novo, en Viana do Bolo. O cocido e as androias son o estandarte desta casa. Todo un luxo gastronómico.


• Casa 5-Hotel O Retorno: Tamen situado en Viana do Bolo. Acordome neste intre de cando tocaba na Banda de Musica do meu pobo e fomos a tocar a Viana do Bolo. Acordome de dar os pasarruas e a procesión por unhas ruas moi empinadas, que coa xunto coa calor que facía aquel dia, si que mereciamos descansar, por exemplo, neste hotel.


• Casa 6-O Mirador da Ribeira: Situado en Viana do Bolo, cunha galeria que chama a atención. Na Rua Santo Cristo atopase esta casa que seguro fará as delicias dos seus hospedes.


• Casa 7 - Casa Rural Rosalía: Situada en Lobios, en pleno parque natural. Un lugar para pasar uns dias nun entorno privilexiado. Rosalía estaría encantada de escribir uns versos adicados a estas terras.


• Lote de productos-Queixos do Xures: Queixos feitos artesanalmente con leite de cabra que se alimentan no parque natural serra do Xures-Baixa Limia, no sur de Ourense, e sal. Todo un luxo para o agraciado que poderá probalos. A quen non lle toque pero lle apetezca probar pode acceder á sua páxina web onde os poderá mercar, aparte de facer outras moitas consultas. Unha páxina cun deseño amigable e pola cal quero felicitar ao promotor da mesma.

Iniciativas deste tipo han de contar coa nosa colaboración e apoio, para que cada vez se fagan mais grandes e variadas. E para que Xulio, artífice desta idea, vexa recompensado todo o seu traballo, que non foi pouco.

¡ A PARTICIPAR TODO O MUNDO!

Fátima

Hoxe, dia 13 de Maio, é o dia de Fátima. En moitos lugares de Galicia e Portugal se celebra esta festividade e se honra a esta virxe.
É unha excusa perfecta para visitar algún dos santuarios que albergan a sua imaxe e así venerala. Pero si non se pode asistir non hai problema porque agora podes seguir a novena en directo por internet. A parroquia de Fátima en Ourense ven de por en marcha esta iniciativa para que fieis de todo o mundo podan seguir os actos litúrxicos.
A Igrexa non mira para outro lado en relación coas novas tecnoloxias e incorpóranas as celebracións. Espero que deixe de mirar para outro lado noutros aspectos da vida que evolucionan inexorablemente.
Só falla que se emita a misa dos domingos. Así non haberá excusa para non asistir á misa. Ainda que a min o cura diciame de pequeno que ver a misa pola televisión era pecado....... pero non mortal.
Si queredes asistir á misa virtual: http://www.novena09.es/

Giveaway of the day

Non. Non se trata do novo filme de James Bond.
Quero compartir con todos vós esta páxina web que me pareceu sorprendente. Trátase dun sitio onde todos os dias se pon a disposición de todo o mundo un programa comercial con licencia de uso para a sua descarga de xeito gratuíto.

Hai que descargalo durante 24 horas, pasadas as cales xa non o podes descargar gratuítamente posto que xa está colgado o programa do dia seguinte.

Pemitenos conquerir programas de xeito legal, con licencia de uso como dixen, e sen desembolsar un euro, nin dar datos ninguns, nin nada de nada. Simplemente acceder á paxina, pulsar o boton descargar programa, si nos interesa, e listo. Funciona e non hai segundas partes, nin trucos. E está en cristiano. ¿Que mais se pode pedir?

A idea paréceme moi boa e por iso a comparto con todos. No widget que poño no lateral aparece todos os dias o programa disposto para descargar. Este widget facilitase na propia páxina web para quen o desexe.

Enlace: http://es.giveawayoftheday.com/

Os corsarios da SGAE

A piratería quedalles pequena a esta panda de gandules. Eu non teño palabras para calificar a forma de proceder desta xente. E non me creo nada que velen polos intereses dos autores porque os autores seguro que non aceptan estas prácticas.

O pequeno Juanma é un cativiño que padece o sindrome de Alexandre, unha doenza rara pola cal o neno quedará tetrapléxico, sordo e cego. O pequeno necesita duns medicamentos que se están a desenrolar en EE.UU para que a sua vida sexa a normal de calquer pequeno. E para elo necesitanse coma sempre, cartos. Moitos cartos.

Os pais de Juanma están a facer todo o que poden e estan a chamar a moitas portas para recadar o importe necesario. Unha desas portas foi a de David Bisbal, o cal tras escoitar o que move a eses pais, decide facer un concerto cuxa recadación irá destinada a financiar parte dos fondos necesarios para esa medicación.

Pois ben, solo á SGAE se lle pode pasar pola cabeza esixir o 10% da recadación en concepto de dereitos de autor, fixeronlle firmar uns documentos a eses pais onde se comprometían a pagar 5.000 euros á SGAE.

A nova chega a coñecemento dos medios. E publican a nova en xeito de denuncia, de forma que a esta hora, ante a revolta montada, decidiron ceder o importe que reclamaron anteriormente.

Eu, repito, non teño palabras para calificar esta forma de proceder, pero tampouco me extraña moito vindo de quen ven.

Aquí tedes o enlace da noticia: http://www.elmundo.es/elmundo/2009/05/05/espana/1241520638.html

E aqui poño o enlace da paxina de web que canaliza as axudas a Juanma: http://www.ayudajuanma.es/